Plantun de Prouvènço

Pèr coumpara dos planto d'encò nostre

Sparganium angustifolium & Leucanthemum cuneifolium

Varaioun(-di-fueio-estrecho)

Sparganium angustifolium

Typhaceae Sparganiaceae

Autre noum : Sagno.

Nom en français : Rubanier à feuilles étroites.

Descripcioun :
Aquéu varaioun pas forço grand e pulèu rare, trachis dins li lau de mountagno, en pleino aigo. Li fueio soun estrecho e loungarudo. Se destrìo dóu varaioun-nadant, Sparganium natans emé la baso de si fueio di proun engueinanto e proun gounflo (fotò). Coumpara emé lou varaioun-nadant que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1 m
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sparganium
Famiho : Typhaceae
Famiho classico : Sparganiaceae

Ordre : Poales

Coulour de la flour : Blanco
Petalo : ges
Ø (o loungour) enflourejado : 1 à 2 cm
Flourido : Estiéu

Sòu : Si
Autour basso e auto : 800 à 2600 m
Aparado : Noun
Juliet à setèmbre

Liò : Aigo - Lau
Estànci : Subaupen à Aupen
Couroulougi : Bourealo
Ref. sc. : Sparganium angustifolium Michx., 1803

Margarido(-di-fueio-en-cougnet)

Leucanthemum cuneifolium

Asteraceae Compositae

Nom en français : Marguerite à feuilles en coin.

Descripcioun :
La margarido-di-fueio-en-cougnet trachis en mountagno dins lis Aup dóu miejour. Fai uno souleto flour coumpausado sus sa cambo que porto gaire de fueio. Se recounèis à si fueio en cougnet à la baso e di proun dentado (fotò), alor que li bratèio de la flour soun bourdado de negre. Pèr d'ùni farié partido de la meno L. adustum, pamens nous sèmblo bèn caraterisado dóu poun de vist mourfoulougi.

Usanço :
Emai aguèsson pas trop d'usanço, li margarido soun manjadisso : flour, jóuini fueio e racino. Soun peréu vertuouso : fan pissa e susa, soun bono contro lis espaime e ajudon à digeri.

Port : Grando erbo
Taio : 20 à 120 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Leucanthemum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) flour : 4 à 6 cm
Flourido : Printèms - Estiéu

Sòu : Ca
Autour basso e auto : 200 à 2200 m
Aparado : Noun
Jun à avoust

Liò : Prado - Pelouso
Estànci : Subremediterran à Mountagnard
Couroulougi : Ouroufito-Sud-Éuropenco
Ref. sc. : Leucanthemum cuneifolium Legrand ex H.J.Coste, 1903

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Sparganium angustifolium & Leucanthemum cuneifolium

ges

Coumpara Varaioun(-di-fueio-estrecho) emé uno autro planto

Coumpara Margarido(-di-fueio-en-cougnet) emé uno autro planto